Në Klinikën Infektive në 24 orët e fundit të Kosovës janë hospitalizuar 2 raste të dyshimta me grip, të cilat Instituti i shëndetit publik pritet t’i testojë, raporton KTV.
Në një komunikatë të QKUK-së thuhet se nga 23 pacientë janë regjistruar nga 15 deri më 25 mars. Asnjë nuk ka rezultuar me grip derri.
“Të verifikuar nga Instituti Kombëtar i Shëndetit Publik janë 12 raste me influencë A dhe 11 raste me influencë B, por jo me AH1N1 që njihet si grip i derrit.
Të dhënat e Klinikës Infektive përputhen me të dhënat e Institutit Kombëtar të Shëndetësisë Publike, ku edhe testohen mostrat dhe ku raportohet në vazhdimësi nga institucionet shëndetësore në varësi të QKUK-së – SHSKUK”, thuhet në përgjigjen e QKUK-së. Ndërkaq edhe Instituti Kombëtar i shëndetit publik nëpërmes një njoftimi për media ka raportuar për rastet e paraqitura të pacientëve me grip sezonal.
