Pepe është plotësisht i gatshëm për të luajtur në ndeshjen që konsideron si më e rëndësishmja e karrierës së tij, ku Portugalia do të ndeshet me Francën në finalen e Euro 2016 me synimin për të fituar trofeun e parë madhor në histori. Për herë të dytë, nga shtatë gjysmëfinale të luajtura, Portugalia fitoi ndaj Uellsit dhe shkon në finale, ku për herë të vetme është mposhtur nga Greqia, në fushën e tyre.
Atëherë Greqia nuk ishte favorite ndaj Portugalisë dhe e mori trofeun, ndërsa këtë herë “bastexhinjtë” konsiderojnë Francën vendas favorite, teksa Portugalia do të bazohet si zakonisht te “ylli” Cristiano Ronaldo.
“Unë ndihem shumë mirë dhe jam plotësisht në dispozicion të trajnerit për këtë që është ndeshja më e rëndësishme e jetës time, sepse përfaqësoj një popull të tërë, popullin tim”- deklaroi Pepe.
Ne duam të shkruajmë emrat tonë në histori dhe besojmë se duke luajtur mirë mund t’ia dalim. Kemi presion, por personalisht kam përvojë në të tilla situata. Futbollistët francez janë në të njëjtën rrethanë me Portugalinë në vitin 2004. Ata luajnë në skuadrat më të mira të Europës dhe janë mësuar me finalet. Gjithashtu, trajneri Didier Deschamps e di si fitohet. Megjithatë, në fushë do të jemi 11 kundër 11 dhe nëse ne luajmë më mirë se ata do të fitojmë trofeun.”/ telesport/a.k
