Sanchez është mes dy ekipeve të Manchesterit. Megjithatë Pep Guardiola pret që Alexis Sanchez t’i bashkohet Manchester Unitedit dhe insiston se nuk është i zemëruar.
Sanchez ka luajtur nën urdhrat e Guardiolas në Barcelonë dhe Manchester City u tërhoq nga gara për transferimin e tij pasi, siç raportohej, ishte i palumtur me rritjen e çmimit të lojtarit pas futjes në garë të rivalit, Manchester United.
I pyetur pse City nuk ishte në gjendje të garonte kundër ofertës së Unitedit, Pep ka thënë: “Nuk jam unë tip që merrem me matematika dhe numra.
Ajo cfarë di tani është se Alexis është lojtar i Arsenalit. Por, mendoj se ai do të shkojë në United dhe unë i uroj ata për këtë”.
