Zyrtarë të Pentagonit kanë premtuar një hetim të plotë të skandalit të fotove nudo, që ka prekur forcat e armatosura amerikane. Sekretari i mbrojtjes James Mattis tha se do të merren të gjithë veprimet e duhura në të gjitha degët e forcave të armatosura, për të hedhur dritë mbi këtë skandal.
Skandali filloi kur foto nudo të femrave marinse u publikuan nga kolegët e tyre meshkuj, fillimisht në një grup në Facebook, të quajtur “Marine United”, i cili numëronte rreth 30 mijë anëtarë. Zyrtarët e Pentagonit bëjnë thirrje që sa më shumë femra marinse të bëjnë denoncim dhe të ndihmojnë hetimin, pasi deri tani kanë bërë ankesë zyrtare, më pak se 10 marinse, të cilave u janë publikuar fotot nudo.
ma.me
