Në një përshkrim të gjallë të xhelatit të ISIS-it, një ish-peng thotë se robëruesi i tij ishte jo vetëm sadist por edhe i çuditshëm. Daniel Rye, një fotograf 26-vjeçar nga Danimarka, u mbajt peng në Siri për më tepër se një vit, tha se një nga burgosësit e tij ishte njeriu me kapuç të zi që flet në videot me ekzekutimet e ISIS. Gjatë një interviste, Rye ka përshkruar takimin me njeriun që është quajtur me epitetin “Jihadi John” nga shtypi britanik. “Ai më ngriti dhe kërcyem tango, Johni dhe unë”, thotë Rye për televizionin danez DR. “Kisha frikë se do të më torturonin. Kërcyem nëpër burg, pas ndaloi dhe më shtyu poshtë. Më goditën me grushta e shqelma dhe e mbyllën me këcënime se do të prisnin hundën e gjëra të tjera si këto”.
Pengu i ISIS, vallëzim tango me xhelatin
