Fakulteti i Drejtësisë do të nisë mësimin ditën e sotme në ambientet e gjimnazit “Petro Nini Luarasi”. Ky vendim vjen pas kërkesës që studentët i kanë bërë ditën e hënë dekanit të fakultetit Artan Hoxha.
Dekanati i Fakultetit të Drejtësisë ka zgjedhur pikërisht gjimnazin “Petro Nini Luarasi” për të rinisur procesin mësimor të ndërprerë që në muajin dhjetor. Mësimi do të zhvillohen gjatë pasdites prej orës 14:00. Në një komunikim për mediat e pranishme në Fakultet, dekani Artan Hoxha është shprehur se autoritetet e institucionit mësimor ende po presinpërgjigjen e ministrisë.
“Nuk e dimë se në cilin gjimnaz do të zhvendosemi, ende po presim një përgjigje nga ministria e Arsimit,”- tha Hoxha. Sipas studentëve, procesi mësimor ishte bllokuar nga një grup i vogël studentësh të ngujuar brenda në Fakultetin e Drejtësisë. Pas kërkesës së tyre për të vijuar mësimin në mënyrë që të mos humbasin vitin e ri shkollor.
Dekani Hoxha i çoi një kërkesë ministrisë së Arsimit për t’i mundësuar ambiente për të zhvilluar mësimin. Disa ditë më parë studentët e Juridikut kishin vendosur me votë unanime që t’i riktheheshin procesit mësimor. /a.meta
