Grupi mafioz italian ‘Ndrangheta ka korruptuar dy zyrtarë shqiptarë në vitin 2011 për të marrë tenderin e një autostrade me vlerë 18 milionë euro. I penduari i drejtësisë italiane ka rrëfyer si si u vunë në kontakt me zyrtarët shqiptarë. Premtimi për ryshfetin 10 përqind të shumës si dhe ndërmjetësimi i policit që i kishte marrë 10 mijë euro boss-it të mafias për t’u lidhur me zyrtarët që do të jepnin tenderin.
“Grupi mafioz italian ‘Ndrangheta nuk kishte qëllim të bënte biznes vetëm në Modena, Parma apo Mantova por edhe të shtrihej jashtë vendit”. Është kjo dëshmia që ka dhënë i penduari i hetimeve “Aemilia”, Pino Giglio, i cili u dënua me 12 vjet e 6 muaj burg.
Giglio, biznesmen 49 vjeç, është dyfish i lidhur me familjen Bianchini di San Felice. Është dëshmuar tashmë se shoqëria xhironte para të pista ku më pas u tërhoq edhe Michele Bolognino.
“Giglio dhe Bianchini ishin të gatshëm të pasurohen edhe me një biznes të rëndësishëm në Shqipëri”, vijon dëshmia që ka dhënë biznesmeni gjatë hetimeve të cilat ende nuk janë përmbyllur. Duket që grupi mafioz ‘Ndrangheta ishte gati të hidhej në biznesin shqiptar.
Pikërisht në Shqipëri Giglio dhe një tjetër person i quajtur Paquale Rilo krijuan një shoqëri, ‘Italcantier’, së bashku me një shqiptar të quajtur Refat Muzhaqi. Së bashku ishin gati të futeshin në një biznes fitimpurës duke i paguar ryshfet dy zyrtarëve të qeverisë siç dëshmon italiani Giglio.
E kur të nënshkruhej kontrata do të likuidoheshin me 10% të vlerës totale. Duke qënë se flitet për kantierë me vlerë rreth 18 milionë euro është e qartë që edhe shifra do të ishte edhë më e madhe.
Në aferën shqiptare përfshihet edhe Augusto Bianchini i cili është pyetur për lidhjet e tij për ndërtimin e një autostrade afër kryeqytetit shqiptar Tiranës.
I pyetur Giglio thotë se bëhet fjalë për një aferë të vitit 2011 dhe se ishin projekte që ishin bërë së bashku me Bianchinin. Sipërmarrësi e dinte mundësinë e pasurimit e dinte dhe përfshirjen e Rillo por nuk u tërhoq nga ku plan dhe as nga projekti në autostradën Salerno-Reggio Calabria, dëshmon Giglio.
Ai është shprehur se ai dinte si të lëvizte për të bërë një punë të tillë. Edhe vetë Binachini si një biznesmen që e njeh mirë këtë fushë, pasi projektoi planet shtroi disa pyetje teknike për të parë nëse kjo punë do të ishte fitimprurëse. Donte të dinte si ishte situata morfologjike e tokës. Për këtë arsye grupi i Giglio udhëtoi drejt Shqipërisë.
Në atë kohë në avionët që udhëtonin nga Bolonja dhe Milano drejt Shqipërisë ishte gjithmonë një polic, i cili sipas Giglio ishte gjithmonë në kontakt me shqiptarët dhe kishte thënë se është paguar me 5% të vlerës së kontratës.
Sa i përket kantierit të ndërtimit në austostradën pranë Tiranës vetëm Bianchini kish mjetet e duhura për ta përdorur dhe për këtë arsye ‘Ndrangheta mendoi për të. Por mesa duket ky biznes nuk u konkretizua asnjëherë edhe pse pati ankesa nga pala shqiptare. Marrëveshja mesa duket nuk u arrit pasi pati zënka mes Riillo dhe policit i cili i detyrohej 10 mijë euro.
Shqiptarja/d.i.