Nuredin Dumani, personi që dyshohet se fshihet pas disa ngjarjeve kriminale, ka marrë statusin e bashkëpunëtorit të drejtësisë.
Mësohet se Dumani ka pranuar të tregojë për të gjitha ngjarjet kriminale ku është përfshirë dhe se kush ishin porositësit e krimeve që ai ka kryer.
Krahas akuzave për vrasjen e vëllezërve Viktor e Besmir Haxhia si dhe miqve të tyre Anxhelo Avdia e Dorian Shkoza, SPAK po e heton Nuredin Dumanin edhe për 5 vrasje të tjera.
Dumani dyshohet se në bashkëpunim me ish-mikun e tij Talo Çela ka ekzekutuar Endrit Alibej, xhaxhain e tij Arben Dylgjeri dhe një shtetas turk.
Bashkë me të, statusin e të penduarit ka përfituar edhe i akuzuari tjetër Henrik Hoxha.
/a.r
