Kryeminsitri Edi rama ka njoftuar se vendimi i parë i qeverisë së re do të jetë ai i shpalljes së vitit 2018 si “Viti i Skënderbeut”, me rastin e 550 vjetorit të vdekjes së heroit kombëtar.
Por edhe këtë herë njoftimi i kryeminsitrit ka sjellë reagime në llogarinë e tij në facebook. Një qytetar i kujton një detaj.
“Ju km sikur thete vendimi i pare do jete shkrirja e policise gri!? Apo ska gje e thena me te bere i ndan ne mes nje dete i tere…”- i shkruan komentuesi.
Nderkohe qe Rama i jep kete pergjigje: Me pelqen vemendja jote Tani Tan, por mendoj qe shkrirja e Policise Gri mjafton te jete vendim i mbledhjes se pare dhe jemi ne rregull, ndersa VITIN E SKENDERBEUT, qe ka 550 vjetorin e ndarjes nga jeta ne 17 janar 2018, s’mund ta leme pas Policise Gri apo jo? 😊 Po nuk u binde me kaq, duro se ka shume akoma per te treguar per Vitin e Heroit Kombetar
Vendimi i pare i Qeverise
Kryeministri Rama ka reaguar për takimin dyditor që pati me ministrat e rinj në Llogara të Vlorës. Përmes një statusi në “Facebook”, Rama tha se ka patur një diskutim maratonë me skuadrën e re qeverisëse.
Ai gjithashtu shkruan se vendimi i parë i qeverisë së re, do të jetë “shpallja e vitit 2018 të vitit të Skënderbeut”, heroit tonë kombëtar.
“Mbyllëm diskutimin maratonë me skuadrën e re qeverisëse😊Vendimi i parë i qeverisë do të jetë shpallja e vitit 2018 VITI I SKENDERBEUT🇦🇱”, shkruan ai.
