Servet Pëllumbi thotë se kritikat e Ben Blushit për PS-në, janë të tepruara dhe në momentin e gabuar.
Pëllumbi thotë se ndjen keqardhje për atë që Blushi, një eksponent me rëndësi në PS, ka shkruar për qeverisjen socialiste.
“Kritikat nuk janë të këqija dhe pse teprohet ndonjëherë dhe në këtë rast është tepruar. Nuk është as momenti, por edhe në një moment tjetër, përsëri ato gjëra do të ishin të tepruara- tha ai.
Pëllumbi që ka shprehur më herët rezerva për probleme në raportet e lidershipit të PS me bazën këmbëngul që edhe qëndrime të tilla duhen së pari strukturuar që të jenë të dobishme.
“Mendimet janë bërë në mënyrë të tillë që të mos kanalizohen në struktura. Fatkeqësisht, kanë dalë nga strukturat” -thotë ai në një prononcim për gazetën Mapo.
