Teksa ka zhvilluar një takim me fermerët e Pojanit në Bashkinë Maliq, Niko Peleshi duke krahasuar këndvështrimin e PS dhe PD sa i takon qeverisjes së vendit ka komentuar marëveshjen e arritur mes palëve. Sipas tij arritja e saj si rezultat i përpjekjeve të PS dhe ndërkombëtarëve, bëri të mundur përfshirjen e PD në zgjedhjet e qershorit dhe shënoi një hap demokratik.
Drejtuesi politik i PS për qarkun e Korcës duke rikthyer në vëmendje protestën e opozitës, thirrjet per mosbindjen civile dhe gjithë situatën e krijuar nga momenti i ngritjes së cadrës nuk ka hezituar ta konsiderojë këtë si një arritje e cila bëri realitet vetingun dhe që hapi fushën e lojës mes dy kundërshtarëve.
Duke e konsideruar vetingun një betejë të fituar Peleshi e ka konsideruar atë si një triumf që do të pasohet edhe nga betejat e punësimit dhe mirëqënies./a.m.
