Zëvendëskryeministri Niko Peleshi deklaroi para medias se qeveria e koalicionit të majtë është e vendosur në rrugën e reformave.
“Progres-raporti i këtij viti tregoi se jemi në rrugën e duhur. Ai vlerësoi ngritjen e komisionit parlamentar për reformën në drejtësi”, tha Peleshi.
“Komisioni ka përgatitur projektin për reformën në drejtësi. Grupi i ekspertëve të nivelit të lartë ka përgatitur propozimet për ndryshimet e nevojshme kushtetuese”.
Peleshi shtoi se raporti jep edhe një panoramë të plotë për luftën që qeveria ka ndërmarrë kundër korrupsionit.
“Aktualisht kemi një startegji të re dhe plan konkret veprimi kundër korrupsionit në administratën publike”, tha zëvendëskryeministri.
