Kina deklaroi sot se ishte e hapur për negociata tregtare me Shtetet e Bashkuara të Amerikës, që mund të zhvillohen ose në Pekin ose në Uashington, për të gjetur një zgjidhje të mosmarrëveshjeve që cënojnë marrëdhëniet mes tyre.
“Dy qeveritë janë në kontakt, Kina thotë se mirëpret ardhjen e një ekipi amerikan për negociatat dhe vetë është e gatshme të shkojë në SHBA për të diskutuar”, tha zëdhënësi i Ministrisë kineze të Tregtisë, Gao Feng.
Dy fuqit e para ekonomike të botës kanë pasur rregullisht tensione në fushat e tregtisë, pronës intelektuale ose spiunazhit informatik.
Shtetet e Bashkuara të Amerikës kanë akuzuar dje Kinën për sulmet kibernetike në territorin amerikan dhe për piratim të një bazë të dhënash të një gjiganti të hotelerisë si ”Mariott”, ku aty kishte infomacione për rreth 500 milionë klientë.
Gjithashtu, Kanadaja arrestoi në fillim të dhjetorit kryefinancieren e gjigantit Huawei për llogari të drejtësisë amerikane dhe kjo gjë kishte acaruar shumë Kinën.
Presidenti amerikan, Donald Trump tha se ishte gati të diskutonte me Kinën për të ruajtur marrëdhëniet ekonomike me Pekinin.
/a.rada
