Kina po përpiqet të bllokojë sanksionet e vendosura nga SHBA ndaj kompanive kineze që konsiderohen të përfshira në tregtinë e naftës iraniane, pasi Pekini dënoi atë që e quajti “juridiksion me shtrirje të gjatë” të Uashingtonit.
Tani Ministria kineze e Tregtisë ka nxjerrë një urdhër për të bllokuar këto sanksione amerikane, të cilat u vendosën ndaj pesë kompanive kineze të akuzuara për blerje të naftës iraniane.
Ministria përmendi pesë kompanitë si Hengli Petrochemical (Dalian) Refinery, Shandong Jincheng Petrochemical Group, Hebei Xinhai Chemical Group, Shouguang Luqing Petrochemical dhe Shandong Shengxing Chemical, sipas agjencisë shtetërore të lajmeve Xinhua.
Nuk ishte menjëherë e qartë se si do të zbatohej ky urdhër bllokues.
