Pekini aktivizoi një reagim emergjent të Nivelit II për kontrollin e përmbytjeve në orën 9 të mëngjesit të martën (11 gusht), ndërsa parashikohen shira të rrëmbyeshëm nga mbrëmja e së martës deri të mërkurën.
Shtabi Kombëtar i Kontrollit të Përmbytjeve dhe Ndihmës në Thatësira dhe Ministria e Menaxhimit të Emergjencave aktivizuan gjithashtu një reagim emergjent të Nivelit IV për kontrollin e përmbytjeve për Pekinin dhe Tianjin-in.
Në shumicën e zonave pritet të bien më shumë se 100 milimetra shi në gjashtë orë dhe 150 milimetra në 24 orë.
Reshjet mund t’i kalojnë 150 mm në gjashtë orë dhe 200 mm në 24 orë në distriktet Tongzhou, Daxing, Fangshan, Mentougou, Huairou dhe Fengtai, si edhe në Zonën e Zhvillimit Ekonomik-Teknologjik të Pekinit.
Autoritetet kanë vendosur pajisje kullimi dhe pengesa kundër përmbytjeve, kanë zhvendosur banorë nga zonat në rrezik përmbytjesh e fatkeqësish gjeologjike, si edhe kanë pezulluar veprimtaritë e ndërtimit dhe ato të turizmit malor e ujor.
