Ndonëse e gjetën të hapur derën e Ministres së Arsimit dhe Sporteve për dialog, një përfaqësi e pedagogëve të Universitetit të Tiranës dolën sërish me të njejtin qëndrim, ultimatum deri në paralajmërim për grevë.
Kjo këmbëngulje e disa pak pedagogëve të lidhur me PD-në, te ultimatumi dhe ngujimi, në fakt bie ndesh me interesin e të gjithë studentëve që javët e fundit kanë kërkuar me ngulm të zhvillojnë mësim në auditore. Të fundit ishin vetë studentët e gazetarisë, ata të profesorit Mark Marku, që kërkonin të zhvillonin mësim, ndërsa pedagogu i tyre kërkonte ngujimin.
Rrjedhimisht, ky qëndrim kundër studentëve, të shtyn të pyesësh nëse këtyre pedagogëve u interesojnë realisht interesat e studentëve?
Përgjigjia për këtë gjendet qartë në kërkesat që pedagogët kanë shtruar për qeverinë, brenda të cilave ka një absurd të madh, në dëm të studentëve.
Në pikën numër një ata rinkonfirmojmë mbështetjen ndaj studentëve për kërkesat e tyre, ku kërkesa kryesore e studentëve ishte mbështetja financiare për tarifat nga qeveria.
Paradoksalisht, në kërkesën numër tre, pedagogët kërkojnë shfuqizimin e menjëhershëm të VKM-ve të dhjetorit që faktikisht, lidhen me disbursimin e tarifave për studentët dhe bursat për ekselentët.
Nëse këta pedagogë janë realisht të shqetësuar për fatin e studentëve të tyre, përse ata i kërkojnë qeverisë shfuqzimin e vkm-ve për disbursimin me 100 % të tarifave për ekselentët?
Në anë tjetër, a është kjo kërkesë, treguesi që pedagogët po ndërmarrin aksionin e rradhës në emër të interesave politike të partisë së tyre, konflikt me çdo kusht?
Me shumë gjasa po, por e sigurt është që me shkresë zyrtare, në pikën numër tre, pedagogët kërkojnë që të shfuqizohet mbështetja financiare për studentët shqiptarë, kërkesë kjo e plotësuar tanimë nga qeveria shqiptare./lexo.al
/a.meta
