Këshilli Kombëtar i Partisë Demokratike që u mblodh sot për të përcaktuar aksionin opozitar por edhe për të zgjedhur drejtuesit e rinj ka vendosur të mbështesë krijimin e një qeverie kalimtare për të përgatitur zgjedhje të lira.
Këshilli Kombëtar i PD vendosi të ngarkojë strukturat drejtuese të partisë me organizimin e protestave me qëllim largimin e qeverisë së Edi Ramës.
Po kështu të mbështesë si zgjidhje politike të krizës në vend krijimin e një qeverie kalimtare me qëllim përgatitjen e zgjedhjeve të lira e te ndershme. Ndërkohë që u ngarkua kryesia e re qe te hartoi aksionin e protestave.
Por nderkohë PD ka të zgjidhur problemet me aleatët, që i kërkojnë të shprehet për Kodin zgjedhor, por edhe problematika të tjera, që lidhet me pozicionin e tyre. Pas këtyre deklaratave, i pari, që e ka kundërshtuar, paçka se nuk është afër ishte SHpëtim Idrizi. Idrizi tha se rrëzimi i Ramës është detyrë e opozitës, dhe jo të merret vendim për këtë. Për kreun e PDIU-së opozita sot duhet të jepte alternativën e saj, se cfarë do të bëjë me arsimin ekonominë, cila është alternativa e saj për të qeverisur.
Ndërkohë dhe Duka i Partisë Agrare ka pakënaqësi, kurse Shehi është shprehur hapur që shumë gjëra duhen zgjidhur pa shkuar në zgjedhje. Po ashtu edhe kreu i republikanëve ka pakënaqësi nga mënyra sesi po zhvillohet aksioni i PD-së.
Por, problemi më i madh mbetet LSI. Cili do jetë pozicioni i kësaj force dhe cfarë do përbëjë ajo në PD? Ajo duket se po vepron ne nje rruge tjeter dhe shpesh ka shprehur gjera qe nuk shkojne me logjiken e PD dhe aleateve te saj te Djathte.
Kreu i PD-së Lulzim Basha deklaroi në mbledhjen e Këshillit Kombëtar se qëllimi kryesor është largimi i kryeministrit Rama. “Por së pari vjen beteja dhe përballja e madhe për demokracinë dhe shtetin ligjor duke udhëhequr protestat popullore për rrëzimin e Ramës dhe për ta shporrur këtë model menjeherë e mirë institucionet, nga politika, nga Shqipëria.
PD do ta udhëheqë këtë beteje jetike për Shqipërinë bashkë me shqiptarët dhe do ta fitojmë këtë betejë”, deklaroi kreu i PD. (Javanews)
