Përfaqësuesi i PDK-së në Kuvendin Komunal të Prishtinës, Lirak Çelaj, ka thënë se xhamia e re do të ndërtohet në Prishtinë.
Ai, në Interaktiv të KTV-së, tha se nga PDK e ka votën që të ndërtohet, ndërsa shtoi se kryetari i Komunës, Shpend Ahmeti, nuk po guxon të dalë publikisht të flas për këtë çështje.
Çelaj tha se edhe peticionet e organizuara online janë të porositura në njëfarë mënyre nga vet kreu i Komunës pikërisht në këtë fazë kur janë afruar zgjedhjet, por tha se ky debat nuk duhet të merr kahje politike.
“Si PDK, nuk jemi kundër që të ketë lokale nën ndërtesën e xhamisë së re, siç nuk jemi kundër që të ketë lokale edhe nën dhe afër objekteve tjera fetare”, deklaroi Çelaj.
Duke folur për kandidaturën e mundshme për kryetar të Komunës së Prishtinës, Çelaj tha se nuk mund ta dijë se cili do të jetë vendimi përfundimtar i Qendrës për emrin e tij. (b.an)
