PDIU është përfshirë në qeverisje edhe me dy drejtorë të rëndësishëm.
Dje në mbledhjen e qeverisë është miratuar emërimi i Isuf Shehut si Drejtor i Përgjithshëm i Autoritetit Kombëtar të Ushqimit, i cili zëvendësoi Afrim Bakajn, që ishte në këtë detyrë që në vitin 2013
Shehu është nënkryetar i Bashkisë së Tiranës, i cili i përket PDIU-së. Po ashtu mësohet se në krye të Inspektoriatit të Kontrollit të Cilësisë së Karburanteve, IQT-së, është vendosur një tjetër përfaqësues i PDIU-së, Gazmend Osmani.
PDIU u përfshi në krah të koalicionit të majtë qeverisës me reformën e re administrative dhe territoriale, duke marrë dhe tri bashki në zgjedhjet e 21 qershorit të 2015-s, Bashkinë e Peqinit, Rrogozhinës dhe Konispolit, raporton Panorama.
Idrizi në takimet që ka zhvilluar si me Ramën, ashtu edhe me bashkëkryetarin e koalicionit qeverisë, Ilir Meta, ka kërkuar përfshirje në nivelet e larta të qeverisjes.
