Armando Meta
PD do të mbledhë te sthunen më 19 janar Këshillin Kombëtar, i cili do të zgjedhe lidershipin e saj te ri. Me kërkesë të kreut të PD-së, Lulzim Basha, KK i PD-së do të mblidhet të shtunën në orën 11:00. Ne kete mbledhje do te zgjidhen anëtarët e Kryesisë, sekretari i Pergjithshem dhe 4 sekretare. Kryesia e re e PD do të jetë më e vogël në numër. Sipas statutit të ri të PD-së, anëtarët e KK do të zgjedhin në Kryesinë e PD-së me votim të fshehtë 15 anëtarë, nëpërmjet një numri kandidaturash të paktën sa dyfishi i numrit të vendeve vakante. Anëtarët do të përzgjidhen nga një listë shumëemërore e propozuar nga kreu i PD, shkruan javanews.
Të shtunën do të zgjidhen edhe nënkryetarët e Partisë, sekretari i përgjithshëm i PD-së dhe 4 sekretarë. Në Kryesinë e PD-së hyn drejtpërdrejtë pa votë veç kreut të PD-së, edhe zëdhënësja e PD-së, sekretari për Marrëdhëniet Ndërkombëtare dhe kryetarët e LGDSH dhe FRPD. Kryesia e re, e cila do të dalë nga votat e anëtarëve të Këshillit Kombëtar të PD-së, do të ketë vendimmarrje të drejtpërdrejtë në përzgjedhjen e kandidatëve për zgjedhjet vendore. Statuti i PD-së parashikon se eshte Kryesia që vendos për kandidatët për kryetarë bashkie dhe deputetë. Këshilli Kombëtar duhet të zgjedhë këtë të shtunë edhe kryetarin e saj me një mandat 4-vjeçar.
javanews.al
