“Tenderi 1.5 milionë euro për furnizimin me ushqime të Rezervave të Shtetit u bë pa garë. Nga 35 099 kompani shqiptare ai iu dha kompanisë filal nga Maqedonia, Eurovia”.
Ish-deputeti demokrat Enkelejd Alibeaj, shigjeton Kryeministrin Edi Rama dhe ministren e Mbrojtjes Olta Xhaçka lidhur me këtë tender.
“Alo Edi, Alo Xhaçka, telefoni ynë nuk ra. Ju heshtët, nuk keni sesi të përgjigjeni, sepse ju doni të vidhni shqiptarët edhe në dite të zeza e krize, si sot. Në Shqipëri ka 35.099 kompani, të cilat merren me tregtimin e mallrave ushqimorë, por Edi Rama dhe Olta Xhaçka, pritën 1 muaj që kompania që ata kanë zgjedhur për të ndarë paratë, të ndryshonte objektin”, u shpreh Alibeaj në komunikimin e sotëm publik.
Ai akuzo se ministrja e Mbrojtjes Olta Xhaçka, nën drejtimin e Edi Ramës, ka zhvilluar më datë 25 mars 2020 një tender urgjent për “blerje paketa ndihme për familjet në nevojë dhe materiale mbrojtëse në mbështetje të personelit të Forcave të Armatosura të angazhuar në përballimin e emergjencës së shkaktuar nga rënia e pandemisë së virusit COVID – 19”, me vlerë rreth 1.5 milionë euro.
Në vijim shtoi se pas 24 orësh nga shpallja e tenderit, kai një fitues pa garë dhe oferta e vetme, nga 35.099 kompani në Shqipëri, fiton kompania filial nga Maqedonia “Eurovia” sh.p.k.
Sipas tij, kriteri i vetëm i vendosur nga ministria për kompaninë fituese ishin kontratat për ekzekutimin e furnizimeve të ngjashme, të kryera gjatë tri viteve të fundit, në një vlerë jo më të ulët se 40% e vlerës së përllogaritur të tenderit.
Alibeaj ngre këto tre pyetje:
– Kompania që keni vendosur të ndani plot 1.5 milion euro, a e ka eksperiencën e nevojshme në fushën e tregtimit të ushqimeve?
– Sa muaj apo vite eksperiencë ka?
– Si e gjetët këtë kompani për t’i dërguar ftesë për ofertë për blerjen e ushqimeve pa garë dhe pa shpallje publike?
“Të dashur shqiptarë, ju që po prisni ndihmat në shtëpitë tuaja, ju të moshuar që nuk mund të lëvizni dot as me dhe as pa leje, të presim pak se mos na marrin në telefon për të na sqaruar se çfarë po bëhet me 1,5 milion eurot e ushqimeve tuaja”, tha në mbyllje zyrtari demokrat.
/a.r
