Këshilltarja e Partisë Demokratike, Reila Bozdo, tha sot se kreu i Bashkisë Tiranë është hakmarrë ndaj policit Besmir Karaj duke e pushuar nga puna.
Sipas saj, ky vendim ka ardhur pasi Karaj e denoncoi Veliajn për falsifikim të firmës në fletën e një gjobe vendosur PD.
“Erion Veliaj, falsifikatori i gjobës që i vuri protestës popullore të 8 Dhjetorit, është hakmarrë ndaj policit bashkiak Besmir Karaj, duke e larguar nga puna. Karaj pati integritetin dhe kurajon që ta denonconte publikisht se firma e gjobës nuk ishte e tija, se ishte falsifikuar. Për këtë ai bëri dhe një kallëzim penal në prokurori me 10 Dhjetor” – tha Bozdo.
Ajo theksoi se falsifikimi i dokumentave është një vepër e rëndë penale, duke shtuar se nga data 10 dhjetor Prokurori i çështjes nuk ka ndërmarrë asnjë hap hetimor ndaj Erion Veliajt.
(javanews.al / a.r)
