“Dhjetori duhet të ishte në festë, por është në protestë”. Kështu u shpreh deputeti i PD, Klevis Balliu, i cili ishte në krah të banorëve të Unazës së Re, të cilët për rreth 2 muaj kundërshtojnë projektin për ndërtimin e Unazës së Re.
Sipas Balliut, sot e gjithë Shqipëria është në protesta për shkak të keqqeverisjes.
“Është data 30 dhjetor dhe Shqipëria vazhdon të jetë e mbushur nga protestat. Nuk është parë kurrë as në Shqipëri dhe as në një vend tjetër, në vend që dhjetori të mbulohet nga festimet, nga gëzimi dhe lumturimi këtu po mbulohet nga protestat, nga hidhërimi ndaj një qeverie që nuk i hap veshët, nuk i hap sytë” – tha deputeti i PD.
Balliu i bëri thirrje të gjithë shqiptarëve që vitin e ardhshëm të dalin në protesta për të rrëzuar qeverinë dhe për t’i hapur rrugë një mënyrë tjetër jetese.
/a.rada
