Ish deputeti i PD Fatbardh Kadilli tha për ‘Real Story’ se në rinumërimin e kërkuar të votave duhet të flasin kamerat e KQZ. Sipas tij, do të ishte serioze nga ana e partisë nëse kërkonin në KAS rinumërimin në emër të të gjithë forcës politike.
“Serioziteti do të ishte që ne si parti në KAS kërkojmë rinumërim. Nuk e ka bërë kërkesën. Rinumërimi është midis palëve socialiste dhe demokrate.
Nëse do bëhet rinumëirm, do të ishte e drejtë të flasin kamerat në KQZ jo në oborrin e PD. Nëse deri tani sjellja ka qenë të mos hapen dhe mos bëhet rinumërimi, po të ishin të sinqertë nuk do t’i linin të sorollateshin.”
Kandidati opozitar Ilir Alimehmeti tha se ky Kod Zgjedhor ishte i gabuar dhe një kurth për të pasur garë brenda partisë. Më tej, ai shtoi se provë është videoja e KQZ dhe se të tilla problematika ka pasur dhe në votat e PS.
“Ky sistem zgjedhor ishte i gabuar që në fillim. Ishte një kurth që gara të bëhej brenda partisë. Do hapen dhe votat e PS në Tiranë dhe do shihni çfarë kanë ndodhur. Partitë kanë përgjegjësinë e tyre dhe ne po bëjmë detyrën tonë që është mbrojtja e votës së kandidatit. Nëse institucionet ligjore kanë këtë drejtim jam i detyruar ta ndjek. Prova është video që ka regjistruar vetë KQZ. Ka vota që janë të PD dhe janë regjistruar si të PS.”
