Partia Demokratikë është bërë agresive jo vetëm ndaj mazhorancës, ambasadorëve e zyrtarëve ndërkombëtarë, por tashmë ka nisur një betejë edhe kundër feve dhe përfaqësuesve të saj.
Në qendër të sulmeve të saj, së fundmi ka përfunduar kryemyftiu i Tiranës, Ylli Gurra.
Pas sulmit të kryeredaktorit të “RD”-së, Bledi Kasmi, sot ka qenë kreu i grupit parlamentar të PD-së, Edmond Spaho, që ka sulmuar ashpër kryemyftiun Gurri.
Spaho ka publikuar një artikull të gazetës ‘Rilindja Demokratike’, ku Gurra quhet vegël e kryeministrit Edi Rama dhe kreut të grupit parlamentar Taulant Balla.
Ai thekson se nuk duhet të habitemi nëse Gurra vendoset si kandidat për deputet në të ardhmen në listat e PS.
“Mos u habisni sepse Myftinia e Elbasanit vendosi një kandidat nga radhët e saj në listat për deputet të PS në këtë qark.
Dhe të mendosh që nëna e PS, PPSH, zhduku kishat e xhamitë.
Për fat të keq, jo populli shqiptar, por drejtuesit e tij kanë memorie të vogël, e diktuar nga interesa personale kur i bëjnë fresk komunizmit. Turp ku jemi katandisur”, shkruan Spaho.
Komentet e tij vijnë pasi Gurra deklaroi në nisje të Ramazanit se: “Jeta e çdo qytetari është e shenjta dhe kulisat e politikës nuk duhet të turbullojnë shenjtërinë e këtij muaji, qoftë të myslimanëve apo edhe të vëllezërve të krishterë”.
Deklarata e kryemyftiut nuk përmend asnjë parti, por me sa duket PD-së i ka djegur dhe ka nisur sulmet frontale ndaj tij.
Tani nuk iu ka mbetur që të thonë të mbyllim kasha e xhamitë.
Se i kanë në parti ata që inkurajonin dhe merrnin pjesë në këto aksione.
Saliu dhe Tritani e dinë mirë këtë punë. /b.d
