Ish-deputeti Arben Ristani ka zbuluar detajet e para nga protestat e paralajmëruara të opozitës gjatë muajit janar.
Ristani zbulon në Politiko se do të ketë një iniciativë “Çadra 2” ku thotë se protesta do të jetë me forma më inovative se e para.
Më tej, ai thotë se shqiptarët qeverisen nga një bandë kriminale dhe se zgjedhjet apo “lufta” parlamentare nuk japin zgjidhje.
“E sigurt është që viti që vjen do të llojë me protesta nga opozita; protesta të cilat do marrin formën e “Çadrës 1”, format e tjera tradicionale të protestës, apo forma edhe më inovative, kjo nuk ka shumë rëndësi, por të gjitha janë ende në diskutim.
Me rëndësi është të theksojmë se zgjedhjet nuk po japin zgjidhje, lufta parlamentare gjithashtu, betejat institucionale ligjore, aq më pak.
E gjitha kjo për shkak se në pushtet kemi një bandë kriminale e cila nuk operon me të njëjtat mjete. Në këto kushte, protesta sa më e fuqishme të jetë e mundur, është mundësi për të gjetur zgjidhje,” shprehet Ristani i cili nuk mundi të zgjidhej dot deputet në Vlorë për shkak të pozicionimit në listë dhe rezultatit të dobët të PD-së.
