“42% e forcës aktive për punë në Shqipëri rezulton me arsim 8-9 vjeçar“, deklaroi sot ish-deputeti i PD-së, Luçiano Boçi, duke akuzuar qeverinë për mos financim të arsimit në Shqipëri.
Boçi thekson se arsimi në Shqipëri mbetet sektori më pak i mbështetur dhe më pak i financuar.
Sipas tij, në Shqipëri mbështetja për arsimin është vetëm 56 $ për frymë, ndërsa në vendet e përparuara kjo shifër shkon nga 1000 deri në 3500 $ për frymë.
“135 mijë ka shkuar numri i braktisjes nga fëmijët dhe të rinjtë i cikleve arsimore në këto vite. Renditja hedh poshtë alarmin e rremë për diplomime të pakufishme për të rinjtë, për shkak të numrit të madh të universiteteve. Ajo godet politikat e zbatuara nga qeveria për të penguar të rinjtë shqiptarë të vazhdojnë arsimin e lartë dhe mungesën e stimulimit për të ndjekur arsimin e mesëm”, shprehet ai.
/a.r
