Tensioni i lartë pas debateve mes Ramës dhe deputetëve të opozitës, teksa ishte duke folur në foltore ka bërë që kreu i Kuvendit, Meta të ndërpresë seancën plenare për disa minuta.
Shkak ka qenë deklarata e Ramës drejtuar opozitës “Nëse ju do të ishit në vendin tim dhe do të shikonit se cfarë kam përballë do të thonit se këta janë të pafytyrë”.
Menjëherë pas kësaj deklarate deputetët e opozitës i janë drejtuar kryeministrit në foltore duke bërë që në sallë të futej siguria.
I pari nga demokratët që është drejtuar drejt foltores ka qenë Flamur Noka, i cili debatoi me kryeministrin gjatë gjithë kohës që po mbante fjalën para deputetëve.
