Partia Demokratike e konsideroi sot projektin e rindërtimit të “Unazës së Re” në Tiranë, një aferë korruptive që sipas saj, “i jep 18 milionë euro një kompanie guaskë, me pronarë të panjohur”.
Zëdhënësja e PD-së Ina Zhupa u shpreh se “tenderi në total 40 milionë euro ka fitues të paracaktuar, me garë fiktive”.
“Edi Rama dhe Erion Veliaj duhet t’u thonë sot shqiptarëve kush është pronari i vërtetë që fshihet pas kompanisë guaskë, duke grabitur me maskën e parajsës fiskale, 18 milionë euro të taksave të shqiptarëve”, tha ajo.
Po ashtu, Zhupa tha se “banorët tek Unaza e Re duhet të dëmshpërblehen pa vonesë”.
/b.d
