Drejtuesit më të lartë të PD-së paralajmërojnë pasoja për qëndrimet politike të mbajtura nga deputetët, Majlinda Bregu dhe Eduard Selami, lidhur me zhvillimet politike brenda kësaj force politike duke filluar që nga votimi i Reformës në Drejtësi e deri te qëndrimet sa i përket çadrës 3 mujore të PD-së në Bulevardin qëndror të Tiranës. Pavarësisht se Basha shkoi në zgjidhjen që kishte ofruar komuniteti ndërkombëtar dhe që u mbështet nga Bregu, Selami, por edhe deputetët Topalli e Patozi, duket se deputetët në fjalë nuk do të mund ti kalojnë lehtazi qëndrimet e tyre pro SHBA- BE. Kryetari i grupit parlamentar të PD-së Edi Paloka shprehet se rregullat brenda PD-së janë të qarta në lidhje me mënyrën se si funksionon mendimi ndryshe në PD.
“Qëndrimet i kam paraqitur aty ku duhet t’i paraqes. E kemi thënë që në PD lejohet mendimi ndryshe, por kur mendimi ndryshe i disave nuk është më ndryshe, por i bashkohet ndonjë mendimi tjetër ndryshe, e kuptoni besoj se nuk është më një mendim ndryshe”, – tha Paloka, raporton “BalkanWeb”.
