Partia Demokratike ka paditur në SPAK kryetarin e Bashkisë së Fierit Armando Subashin për çështjen e inceneratorëve. Deputetja Dhurata Çupi deklaron se Subashi ka kryer shkelje ligjore të cilat ka shkaktuar miliona Euro dëm ekonomik, për të favorizuar kontratën koncesionare për ndërtimin e inceneratorit të Fierit.
“Pikërisht aty ku do ndërtohej djegësi, sot nuk funksionon dhe ka ndërruar destinacion në tre sipërfaqe truall në dispozicion. Ka konsumuar veprën penale të shpërdorimit të detyrës”.
Deputetja e PD thekson se Komisioni Hetimor për inceneratorët vërtetoi vjedhjen e 430 milionë Eurove dhe sipas saj tashmë është drejtësia që duhet të hetojë personat e përfshirë në korrupsion.
/a.r
