“Kam udhëtuar disa herë në drejtim të Italisë dhe kjo është lehtësisht e verifikueshme”, kështu deklaroi sot kryebashkiaku i ri socialist i Shkodrës, Valdrin Pjetri, duke hedhur poshtë akuzat e Partisë Demokratike se është dënuar në shtetin fqinj për drogë dhe vjedhje.
Por Partia Demokratike i është përgjigjur sërish Pjetrit, duke nxjerrë këtë herë të dhënat nga sistemi TIMS. Sipas PD-së Pjetri nuk ka udhëtuar drejt Italisë prej vitit 2002.
Deklarata e plotë:
Shkodranët e dëgjuan sot Valdrin Pjetrin, me zë të mekur e kokën ulur, teksa gënjente për te shkruarin e tij kriminale. Personi që tenton të uzurpojë Shkodrën pas emërimit përmes votimeve socialiste të 30 qershorit, mashtroi edhe sot ditën për diell shkodranët.
Ai deklaroi se ka lëvizur drejt Italisë në periudhën 2002- 2010 dhe për këtë gjoja ishte i qetë. Valdrini i partisë harron se të gjitha lëvizjet janë të monitoruara nga sistemi TIMS. Valdrini, si përfaqësues ndër më të rinjtë të klanit kriminal Rama, vazhdon në gjurmët e Gjushit me shokë.
Partia Demokratike disponon dhe sot, bën publik dokumentin e nxjerrë nga sistemi TIMS, ku vërtetohet se Valdrin Luigj Pjetri, nuk ka udhëtuar drejt Italisë nga viti 2002 deri në 2010.
Pra Valdrin Pjetri eshte kapur sot në një gënjeshter të trashe, duke u përpjekur të mashtrojë qytetarët e Shkodrës.
Në vend të gënjeshtrave, Valdrin Pjetri duhet t’u japë përgjigje ketyre pyetjeve:
- Pse i ndërpreve studimet në Itali, ku qëndrove vetëm një vit?
- Pse gënjen kur thua se ke shkuar rregullisht në Itali, ku sistemi TIMS konfirmon atë që PD ka thënë, që ti nuk ke shkelur në Itali në periudhën 2002- 2010?
- A je arrestuar dhe a je dënuar me 18 muaj burg në Itali, apo edhe ti nuk di gjë për këtë, si Elvis Rroshi i Kavajës?
- A të kanë dëbuar nga Italia si person që përben rrezik për sigurinë publike atje?
- A e njeh Altin Dodën dhe a ke qenë i përfshire bashkë me të në trafik droge dhe vjedhje?
- A buron pasuria jote nga trafiku i drogës dhe a jeni ju subjekt i ligjit antimafia?
Këto janë pyetjet që presin pergjigje qytetarët e Shkodres dhe jo gënjeshtrat e tua me zë të mekur dhe që shfaqin qartë hallin e madh ku ke rënë.
Partia Demokratike rikonfirmon sot se Valdrin Pjetrin, përfaqësuesin e klanit kriminal të Rilindjes në Shkoder, nuk e pret karrigia e kryetarit të Bashkise Shkodër, por qelia e burgut, për falsifikim të formularit të dekriminalizimit.
Edi Rama nuk e mbron dot, siç nuk mbrojti dot me mashtrime as Elvis Rroshin, as Mark Frrokun, as Arben Ndokën, as Armando Prengën dhe kriminelë të tjerë të sojit tënd.
