Partia Demokratike ka vijuar akuzat e saj ndaj televizionit kombëtar Klan. Përmes gazetës zyrtare ‘Rilindja Demokratike’ partia më e madhe opozitare në vend shkruan se në edicionin e djeshëm të lajme, televizioni në fjalë i ka lënë hapësirë vetëm 30 sekonda.
“Televizioni i “pavarur” Klan vijon censurën ndaj opozitës. Në edicionin e lajmeve të djeshme ky televizion i jepte hapësirë qëndrimeve të PD vetëm 30 sekonda. Nga këto, 20 sekonda ishte konferenca e Nënkryetarit të PD, Paloka, dhe vetëm 10 sekonda për qëndrimin e mbajtur nga anëtarja e Këshillit Bashkiak, Bozdo. Ndërsa konferenca për shtyp ku denoncoheshin pasojat e djegies së laboratorit të kriminalistikës në Ministrinë e Brendshme nuk u pasqyrua fare nga ky televizion.” – shkruan RD.
PD e ka cilësuar këtë një ‘censurë që Klan i bën opozitës” dhe një ‘një njollë turpi’.
“Për këtë mjafton të shikosh edhe urrejtjen në rrjetet sociale të qytetarëve ndaj vijës editoriale të turpshme dhe servile të këtij televizioni” – e mbyll shkrimin RD. (javanews.al / a.r)
