Ditën e sotme Komisioni Qëndror i Zgjedhjeve vendosi që të mos-regjistrojë Partinë Demokratike në zgjedhjet lokale të 14 majit.
Kryekomisioneri Ilirjan Celibashi e arsyetoi marrjen e këtij vendimi për shkak të mungesës së firmës së Lulzim Bashës, pasi sipas tij ai figuron të jetë kryetar legjitim i PD-së dhe vetëm përmes firmës së tij mund të bëhet i mundur regjistrimi.
Ndërkohë menjëherë pas vendimit të KQZ, përfaqësuesi ligjor i PD-së së Enkelejd Alibeajt, Indrit Sefa, bëri ankimimin e vendimit në KAS.
Pas ankimimit, është vendosur që ditën e Mërkurë, datë 15.03.2023, në orën 8:30, të hidhet shorti për caktimin e relatorit për kërkesën e depozituar nga Partia Demokratike e Shqipërisë./m.j
