Teksa shifra e të infektuarve me COVID nga dita në ditë po njohin vetëm rritje, në një takim elektoral të PD në Kukës, shkelet hapur akti normativ.
Edhe në një situatë normale pa virus kjo sallë është shumë e vogël për rreth 40 persona që janë prezent. Në krye të së cilës duket nënkryetari Edi Paloka.
Në këtë sallë ka të paktën 4-fish pjesëmarrës se sa përcaktohet ne rregullat anticovid. Ndryshe nga kryetari i demokratëve Basha i cili nuk e heq kurrë maskën në publik, nënkryetari Paloka por dhe disa prej elektoratit në sallë shfaqen pa të.
Ndërkohë bëhet fjalë për një tubim i cili sipas agjendës zgjati, pasi përtej fjalës së Edi Palokës, u bë edhe prezantimi i Flamur Hoxhës si drejtues politik i Qarkut Kukës.
Ky nuk është rasti I parë dhe me shumë të ngjarë s’do jetë I fundit ku politikanët shkelin masat anti-covid.
Rekord mbetet takimi në Bathore i datës 2 shkurt me rreth 70 burra në sallë, në qendër të së cilës ishte minsitrja Elisa Spiropali dhe deputeti Halit Valteri. Pjesëmarrësit dëgjonin fjalimet e tyre duke pinin bira e cigare. Në këtë sallë është thyer dhe një tjetër ligj.
Ai që ndalon konsumimin e duhani në ambiente të mbyllura.
Ende nuk dihet nëse kjo zyrtare e forcës që qeveris ka marrë gjobë për shkeljen e rregullave anti-covid, por fakt është se kryetarja e komitetit të ekspertëve, Rakacolli dha e para modelin e mosrepketimit të udhëzimeve që ajo vetë ka firmosur dhe as u gjobit për grumbullimin me 14 persona në një sallë, pa ruajtur distancën.
Nderkohe qe nga Gjiri i Lalzit, Sali Berisha dhe Ilir Meta kane ngritur alarmin me sulme kunder Edi Rames se situata ka dale jashte kontrollit, pasi nuk ka marre masa./a.p
