Pas humbjes së thellë të pësuar në zgjedhjet vendore që u mbajtën në qershor, Partia Demokratike ka nisur mbledhjen e informacionit në bazë të së cilit do të kryhet edhe analiza e rezultatit.
Përmes një urdhri të lëshuar nga kryetari i PD Lulzim Basha përmes kërkohet informacion të detajuar për rezultatin e votimit në çdo bashki të vendit, votat për çdo kandidat dhe rezultatin në çdo qendër votimi, për 3 zgjedhjet e fundit të zhvilluara. Sipas këtij urdhri, rezultatet e 2015 do të krahasohen me rezultatin e zgjedhjeve vendore të 2011 dhe zgjedhjeve parlamentare të 2013.
Të dhënat do i vihen në dispozicion sekretarit organizativ të partisë, ndërkohë grupet e punës të cilat do të ngrihen për këtë proces, do të marrin në dorë rezultatet për çdo qendër votimi për të analizuar faktorët e çuan në humbje në pjesën më të madhe të vendit.
Analiza e cila do të nisë në vjeshtë do të fokusohet në dy element, funksionimin dhe efiçencën e strukturave partiake por dhe ajo që cilësohet si faktor i jashtëm, pretendimet për manipulime, siç është blerja e votave apo presion ndaj votuesve.
