Nga Mentor Kikia
Zgjedhjet në Dibër ishin parathënia e betejës elektorale të zgjedhjeve të përgjithshme.
Partia Demokratike tha që ia vodhi votën mafia në pushtet.
Unë nuk kam pikën e dyshimit që vota edhe janë blerë, me para e me premtime vendesh pune.
Sepse unë nuk kam pikën e dyshimit që koalicioni qeverisës nuk është një koalicion politik, por një konsorcium ekonomik që ka në përbërje edhe njerëz që kanë hyrë në parlament vetëm falë parave dhe rrethit kriminal që zotërojnë.
Por Partisë Demokratike megjithatë i humbi zgjedhjet dhe fshihet pas fijes së barit kur thotë se ia vodhën apo blenë votat.
Partia Demokratike humbi, dhe përballë këtij konsorciumi do të humbasë edhe në 2017-ën.
Sepse Partia Demokratike vazhdon të jetë në rënie të lirë.
Ajo mendon se vihet në pushtet me opozitën e Berishës në Facebook.
Por jo vetëm kaq, ajo mendon të vijë në pushtet po me atë bandë hajdutësh që kishte Berisha në qeverisjen kur shqiptarët vendosën ta përzenë.
Basha, në vend që të bënte një remont kapital, ta rindërtonte opozitën, vendosi të hidhet në sulm me të njëjtën skuadër njerëzisht që janë bërë neveri elektorale.
Ndoshta sepse është njëri nga ata.
Mua nuk më dhimbset PD-ja që do të qëndrojë në opozitë, por më dhmbiset ky vend që, në kushtet kur nuk ka opozitë, do të zhvatet nga tre ortakët qeverisës, në garë kush e kush më shumë.
