Analisti, Skënder Minxhozi, i ftuar në “Real Story”, ndër të tjera tha se Partia Demokratike ndodhet në çarjen e dytë më të madhe për shkak të Sali Berishës.
Ai tha se ky është rasti i dytë, kur fati i një personi i imponohet forcës politikës.
Sipas Minxhozit, pjesa tjetër ka mbetur “jetim” sepse dy liderët dolën “fake” dhe ata mendojnë për fatin e dy shefave të tyre, ndërkohë që partia ka emergjencë për një lidership të ri.
“Aspekti politik i kësaj që po ndodh është kapital. Sepse PD ndodhet në çarjen e dytë të madhe për shkak të Berishës.
Këtu jemi në rastin e dytë sesi fati i një personi i imponohet forcës politike. E gjithë partia sot nuk merret, as me qeverinë as me Bashën, as me gjetjen e një pasardhësi edhe Bashën dhe për Berishën.
Këta që bërtasin në televizor për “Partizanin” janë politikisht “jetim”, në kuptimin që lideri i vitit 2013 i doli “fake”, lideri i vjetër akoma edhe më keq.
Duke shtyrë problemin e lidershipit afatgjatë të së nesërmes, PD po vonohet në mënyrën më fatale për të ardhmen e mesme dhe të largët. Këta mendojnë vetëm për fatin e dy shefave” tha Minxhozi.
/f.s
