Ministria e Shëndetësisë dhe Mbrojtjes Sociale njofton se qytetari me inicialet E.B., 29 vjeç, i lënduar gjatë protestës ka marrë ndihmën e duhur mjekësore në spitalin Universitar të Traumës.
“Nga ekzaminimet e kryera, përkatësisht radiografia e kërcirit dhe këmbës, rezulton normale, pa dëmtime të strukturave. Nga plaga e marrë, mjekët kanë nxjerrë cifla mjetesh piroteknike. Aktualisht 29 vjeçari ka përfunduar trajtimin dhe është në gjendje të mirë shëndetësore” – njofton ministria.
Ndërkohë që PD deklaroi se ai është qëlluar me plumb nga policia. Ka qenë ish-deputeti Bardh Spahia që ka dalë në këtë konkluzion të menjëhershëm dhe ka dhënë alarmin në Facebook.
