Pas zaptimit me forcë të selisë blu nga grupi i Rithemelimit i drejtuar nga ish kryeministri Sali Berisha, edhe sot pas vendimit të Gjykatës së Apelit që i dha të drejtën e kësaj godinë grupit të Enkelejd Alibeaj, ambientet nuk janë liruar.
Ato gjenden në zonën ish-bllokut shumë pranë kryesisë së Kuvendit dhe përballë Gjykatës Kushtetuese, ambient ku më parë ushtronte aktivitetin një bankë e nivelit të dytë. Tani më rreth 170 metër katrorë do të shërbejë për zyrat e drejtuesve të PD-së zyrtare dhe mbledhjet që ata do të zhvillojnë.
Selia blu vijon të jetë e zaptuar nga Sali Berisha dhe mbështetësit e tij që prej 25 marsit 2022, pikërisht pas vendimit të gjyqtarit Agron Zhukri, i cili i dha atij të drejtën për të marrë drejtimin e Partisë Demokratike. Grupimi i Alibeajt la selinë në mënyrë paqësore dhe prej aso kohe mbledhjet zhvilloheshin në kryesinë kuvendit ose në ambiente private në Tiranë sikurse ndodhi të hënë në mbledhjen maratonë 7-orëshe të tij.
Pas marrjes së vulës, Enkelejd Alibeaj nuk do të bëjë luftë për selinë e Partisë Demokratike. Aktivitetin e saj politik PD-ja zyrtare do ta ushtrojë në zyra të reja.
Në një takim me strukturat e degës 12 në Tiranë, kryetari i Komanduar i PD-së, Enkelejd Alibeaj flet pas vendimit të Gjykatës së Apelit që ia dha grupimit të tij, vulën e partisë.
“U ndodhëm përballë një sprove, testi, karakteri, morali, politik dhe nuk ka qenë e thjeshtë, është dashur rezistencë, forcë, të mbajmë mbi kurrizin tonë edhe shumë epitete, shumë urrejtje mes nesh dhe kemi qene ne që kemi ditur që të ulim kokën, që t’i japim një provë që ka ca vlera të sakrifikosh, që është arsyeja pse PD lindi u formua dhe pas së cilës gjithë kjo pjesë të gjithë e kanë përqafuar atë.
PD lindi e orientuar drejt përendimit, nuk e kishim menduar që ne të vendoseshim në këtë provë për t’i mbajtur lart ato vlera dhe parime të PD dhe pavarësisht vështirës të një viti dhe të një situatë të paimagjinuar, ia dolën duke dalë dinjitoz.
Të mos jesh i shantazhuar apo lojërave të momentin, por për të parë të ardhmen. Nuk ndjej asnjë lloj kënaqësie që ne fituam vendimin e gjykatës, përkundrazi një orë e më parë, me atë vendim gjykate ta mbyllim, ta harrojmë, ka kaluar deri në ftohje të marrëdhënieve njerëzore, nuk kemi qenë ne shkaktarët, keni besuar te vlerat e PD, ndaj do doja këtë si mesazh të parë.
S’duhet të kemi kurrëfarë triumfalizmi, kam qenë i bindur që një gjykatë që zbaton ligjin këtë vendim do merrte, prandaj e kam thënë, sido që të jetë vendimi do e pranonim. Nuk isha dakord me vendimin e Zhukrit, por nuk dola në protestë, kur një vendim gjykate i shkallës së parë edhe pse nuk më pëlqente, liruam zyrat se duhet të jemi të bindur se PD nuk është e një personi apo pronë private apo që të përdoret për interesa apo halle personale. Ne duhet të bindemi”, tha Alibeaj./m.j
Maskara!Xhihadist! Imoral dhe i paturp! Berishës bojën nuk dua t’ia shoh…por ti ke qenë pjesë e krimeve të tij,kur ai vrau shqiptarët në mes të bulevardit..Cili është morali yt more gjakatar?! Edhe sa të tjerë duhet të vdesin që t’i të bëhesh kryetar i partisë tënde vrasëse?! Largohu nga skena politike… kriminel