Deputeti Demokrat, Flamur Noka lëshoi deklarata të forta nga Himara, atje ku po zhvillohet edhe një protestë nga dhjetra banorë që do t’u shemben banesat në kuadër të rivitalizimit urban të qytetit.
Teksa i bëri thirrje që të ndalen shembjet, theksoi se revolta popullore do ta marrë përpara qeverinë. Mes të tjerash ai denoncoi faktin se nga ky projekt prishen objekte 100 vjeçare, ndërsa shtëpitë e zyrtarëve të PS jo.
“Jemi këtu për të denoncuar dhunën dhe terrorin. Mos t’i bien në qafë Himarës për të fshehur banditizmin. Revolta popullore do ti marrë përpara. Banorëve të Himarës po ju dhunohet pasuria. Prishen objekte 100 vjeçare, por jo të zyrtarëve të PS. Himara, alibi për të fshehur skandalin Tahiri. Prishja e objekteve bëhet për pazaret e Ramës. Po ju them para këtyre kanë ardhur sekserët. Ne jemi në anën e ligjit dhe qytetarëve, dhe jo në anë të bandave të saj.”, tha Noka.
a.ç
