Partia Demokratike, i ka dërguar një kërkesë Komisionit Qendror të Zgjedhjeve, duke i kërkuar shkarkimin e kryebashkiakut të Matit, Agron Malaj.
Kërkesa i është dërguar për dijeni edhe ambasadores së SHBA, Yuri Kim dhe atij të Bashkimit Europian, Luigi Soreca.
PD thotë se kryebashkiakut të paligjshëm të Matit duhet t’i hiqet mandati menjëherë, pasi ai është i dënuar për armëmbajtje pa leje dhe nuk duhet të mbajë më mandatin.
Ndër të tjera nënvizohet se ligji i dekriminalizimit e thotë qartë se një person nuk mund të ushtrojë funksione publike me një dënim të tillë, edhe kur vepra penale deklarohet nga i dënuari, siç është rasti i kryebashkiakut të paligjshëm të Edi Ramës në Mat.
g.kosovari
