Kreu i PD, Lulzim Basha ka marrë pjesë në homazhet që po mbahen te Akademia e Shkencave për mbërritjen në atdhe të eshtrave të Mid’hat Frashërit.
Në një prononcim për gazetarët Basha shprehu mirënjohjen për kontributin e tyre që bënë të mundur kthimin në atdhe të eshtrave të Frashërit, duke veçuar deputetin demokrat Agron Shehaj.
‘Kënaqësi që eshtrat e këtij burri të rrallë që ka bërë shumë për atdheun janë në Shqipëri. Dua të falenderoj të gjithë ata që e bënë të mundur. Në veçanti deputetin e PD Agron Shehaj. Dua të falenderoj edhe Akademinë e Shkencave”, tha Basha.
I pyetur më tej nëse i është mirënjohës qeverisë, Basha u përgjigj: “Vlerësoj iniciativën e historianit Uran Butka, falenderoj deputetin Agron Shehajn, qeveria nuk ka asgjë se detyrimin për kontributin e këtij intelektuali të madh’.
a.ç
