Partia Dmeokratike feston sot 27-vjetorin e krijimit. Gjatë fjalës së mbajtur, kryetari Lulzim Basha përkujtoi edhe njëhrë figurat e PD-së që nuk jetojnë më. Mes emrave që kujtoi ishte edhe Sokol Olldashi, të cilin e mundi në garën për kreun e PD, një garë aq shumë e diskutuar edhe pas më tepër se 4 vitesh.
Basha ka përmendur edhe emrat e themeluesve të tjerë si Besnik Mustafai dhe Eduart Selami që njihen si kritikë të Bashës. Ai i ka falenderuar ata për kontributet e dhëna.
“Rëndësia e një lëvizjeje apo partie përcaktohet nga produkti që sjell për vendin. Lëvizja e Dhjetorit dhe PD, kanë prodhuar Shqipërinë e lirë, Shiqpërinë e orintuar nga Evropa dhe nga Amerika. Krenarë për hisotrinë, të përgjegjshëm për të sotmen dhe të nesërmen.
Ky Dhjetor i 27-vjetorit tonë është dhe nuk është si gjithë të tjerët. Është si gjithë të tjerët se na mbledh për të evokuar si gjithmonë idealizmin e themeluesve. Ky dhjetor është si të tjerët kur kujtojmë ata që nuk i kemi mes nesh. Azem Hajdari, prijësi jonë i parë, Gramoz Pashkom, Pjetër Arbnori. Është Sokol Olldashi, është Ferdinand Pone, janë emra të tjerë demokratësh që nuk rrojnë më. Harresa nuk do jetë kurrë mbi ta. PD do t’i ketë në librin e kujtesës”, deklaroi Basha.
Ai tha se në këto 27 vite ka patur skenarë eliminimi ndaj PD-së, por ai tha se pavarësisht kësaj, kjo parti është ngritur më e fortë.
“Gëzuar ditën e lindjes së pluralizmit në Shqipëri. Krijimi i PD është përmendorja më e bukur e pluralizmit. Ne duhet të reflektojmë për rrugën që kemi bërë. Në 27 vite histori PD ka përjetuar ulje dhe ngritje. Për PD në 27 vjet ka patur edhe skenarë eliminimi. Por nga çdo vështirësi, nga çdo rrëzim, ajo është ngritur më e fortë. Pavarësisht sfidave, PD ka ditur, ka mundur dhe ia ka dalë të mbetet e madhe, ia ka dalë të riniset në fillime të reja, sepse ka patur vetëdijen e forcës së bashkimit dhe ka ditur të bashkohet”, është shprehur kryedemokrati Basha.
/a.m.
