25 vjetori i themelimit të PD ka nisur me një dokumentar që tregonte historikun e Partisë Demokratike, nisur nga Lëvizjet e dhjetorit. Fjalën i pari e mori deputeti demokrat Arben Imami, i cili nuk ngurroi që të bëjë elozhe drejt “Doktor Berishës” por edhe “kryesisë së re dhe kryetarit të PD Lulzim Basha”.
“Kjo është një parti e madhe dhe u krijua si një parti që do të përfaqësonte të gjitha shtresat, por në rradhë të parë lëvizjen studentore, intelektualëve të shquar antikonformistë si Sali Berisha e Gramoz Pashko.
Ne ishim të qartë në një gjë, që ne duhet të shkonim drejt Europës. Është fat i madh për PD, që të mbetet ende një forcë e madhe, qoftë në opozitë qoftë në qerverisje, e kjo vjen për shkak të forcës së saj, e në veçanti të Doktor Berishës.
Ne kemi besim të plotë tek kryesia e re, tek lideri i ri i PD, që megjithëse në kushtet e një regjimi policor ku krimi e korrupsioni mbretëron.. nuk ka zgjidhje tjetër peveçse Partisë Demokratike.
Bashkë duhet të jemi drejt objektivit për zgjedhje të reja e një qeveri teknike, ashtu siç dhe bëri thirrje Kryetari Lulzim Basha në protestën e 8 dhjetorit.
Eduard Selami: Pa PD kjo lëvizje nuk do të kishte rezultatet që ajo pati. Ne ishim vendi i parë që kërkuam anëtarësimin në BE.
Unë e ngre zërin kritik, pikërisht për shkak se të rinjtë kanë shpresat tek Partia Demokratike. Une mendoj se shumë shpejt PD do të rikthehet në pushtet dhe do ta kthejë vendin në rrugën e përparimit.
