Analisti Edvin Kulluri u ndal tek premtimi i Belind Këllëçit, i cili tha se nëse fiton më 14 maj, transporti publik për qytetarët në Tiranë do jetë falas. Ai tha se ky premtim ka karakter komunist, dhe nuk ka asnjë lidhje me të djathtën.
Nga studioja e ABC News, Kulluri theksoi se premtimet e kandidatëve, siç ishte ai i Këlliçit, për përfitim falas të shërbimeve publike janë thjeshte mashtrime elektorale.
“Premtimi i parë, m’u duk sikur i kishte vjedhur fjalimin e Arlind Qorrit. Foltorja çfarë është, konservatore apo komuniste. Edhe Enver Hoxha vendoste biletë. Edhe në komunizëm paguheshin shërbimet publike. Nuk ka asgjë falas. Që kur thua se një shërbim publik falas, ti ke gënjyer. Në PD të gjithë bëjnë sikur… Ku jemi tani? Askund. Po bëjnë çdo gjë për të fshehur atë krizë që e kanë shkaktuar të dyja palët.”, tha Kulluri.
Kulluri: PD është përçarë në 2017 për shkak të vendimeve të Berishës dhe Bashës
Analisti Edvin Kulluri komentoi vendimin e Kolegjit Zgjedhor, i cili rrëzoi kërkesën e Foltores për të çregjistruar Partinë Demokratike nga zgjedhjet vendore të 14 majit. Ai thotë se kjo ishte tentativa e fundit për të penguar PD-në, por as kjo hallkë, nuk e pranoi kërkesën e Berishës.
“Kjo ishte një tentativë për të mos lënë të regjistrohet partinë zyrtare, jo për tu regjistruar vetë. Regjistrin i partive e thotë se Foltorja nuk mund të regjistrohet si subjekt politik në këto zgjedhje. PD që do paraqitet zyrtarisht do ketë 16 kandidatë, nuk e dimë a do ketë këshilltarë, dhe kjo është pjesa tjetër e absurdit”, tha ai.
Ai komentoi “zgjimin” e Lulzim Bashës, i cili deklaroi sot se do të bëjë fushatë në gjithë Shqipërisë. Për Kullurin, Partia Demokratike është përçarë që në 2017, dhe një gjë e tillë vijon prapë.
“PD është përçarë në 2017. Që të dy që kur kanë qenë bashkë nuk e shikonin të përçarë, sepse pozitat e tyre nuk prekeshin. PD është përçarë për shkak të vendimeve të Berishës, Lulzim Bashës dhe të gjithë ata që i rrethojnë. Kjo që thotë z. Basha nuk qëndron, në raport me faktet publike dhe jo sipas supozimeve”, tha ai.
Ai komentoi edhe ecjen triumfatore të Bashës, teksa pyetje nga gazetarët për aksionet e tij politike, dhe për këtë Kulluri bëri këtë koment:
“Unë nga z.Basha i pres të gjitha. Ecja triumfatore e tij nuk e di se çfarë do të thotë. Nuk e di në thelb se çfarë do t’u thonë njerëzve. Gjetën një zgjidhje absurde, të hyjnë pjesërisht në zgjedhje. Foltorja është tradhtuar nga Berisha dhe njerëzit e tij. Shtëpitë nuk ndërtohen nga buldozerë, por me vinça. Këta e kanë shkatërruar PD”, tha ai./m.j
