Deputeti i PD-së, Kreshnik Çollaku, është shprehur se platforma që ka paraqitur Enkelejd Alibeaj pak ditë më parë për bashkimin e demokratëve është e duhura.
Çollaku tha se platforma shmangë ndarjen e PD-së dhe sipas tij është një zgjidhje politike.
“PD është e përçarë. Është një përçarje e pavetëdijshme e pakuptimtë. Më e keqja nuk është përçarja por ndarja. Në këtë situatë vjen dhe vendimi i Gjykatës, ku kursi i përplasjes së konfliktit dhe në nivel gjyqësor është një fakt.
Me vendimin e sotëm, praktikisht duket se çështja do të vijojë të zgjidhet në Gjykatë, është një zgjidhje civile, qytetare dhe e favorshme, por është një zgjidhje e ligjit. Kemi dhe pak ditë që kjo përçarje është platforma me një vullnet pozitiv e paraqitur nga Alibeaj, mbështetur nga 32 deputetë.
Platforma e Alibeajt shmang ndarjen. Kjo platformë do të mundësojë secilën palë të përfshihet. Platforma është zgjidhja politike e kësaj situate.
Platforma është një zgjidhje politike, për të ndalur proceset e njëanshme. Nuk ka asnjë degë të vendit ku është e përfshirë e gjithë struktura. Në rast se shkohet drejt këtij procesi të njëanshëm, kjo përçarje i vë vulën ndarjes, sepse njëra palë ngelet jashtë. Platforma e deputetëve shmang pikërisht rrezikun e ndarjes., u shpreh Çollaku./m.j
