Lulzim Basha ka forcuar pozitat e tij në krye të Partisë Demokratike. Ai nuk i ka qendruar propozimit, që kryetari duhet të japë dorëheqjen, në rast se PD nuk fiton zgjedhjet.
Pra, ai nuk ka asnjë detyrim të dorëhiqet edhe po i humbi zgjedhjet.
Pas votimit, Edi Paloka ka sqaruar vendimin teksa tha se shumica vendosi që kryetari të mos ikë pasi do jetë gjithë kohës nën presion.
Dhe sipas Palokës, i bie që PD të bëjë çdo dy vjet zgjedhje për kryetarin. Deklarat♪7 disi e çuditshme kjo pasi nënkupton se PD e ka parashikuar se do humbasë sërish zgjedhjet.
“Për propozimin tjetër, që ishte për kufizimin e mandatit, u dhënë argumentat që kishin të bënin me procesin zgjedhor.
Nëse do të bëheshin zgjedhje, ky ka qenë një nga propozimet e Bashës, dhe u kundërshtua nga ne të tjerët edhe si grup pune, sepse i binte që PD të ishte gjithë kohës në proces zgjedhje për kryetarin, gjë që nuk do ti shërbente aspak mbarëvajtjes së punës së PD.
Përvec pjesës tjetër, që do nxistë konflikte mes njerëzve që do kishin ambicje për të marrë postin e kryetarit.
Të gjitha këto propozime u votuan dhe u hodhën poshtë me shumicë dërmuese të anëtarëve të këshillit”, tha Paloka./a.m.
