Kryetari i Partisë Demokratike dega Elbasan Aurel Bylykbashi ftoi qytetarët t’i bashkohen protestës së opozitës këtë të shtunë, ku do të kërkohet largimi i ministrit të Brendshëm Fatmir Xhafaj.
Gjatë një deklarate për median Bylykbashi thekson se ngarkesa e kësaj proteste është e madhe, ndaj do ta kenë në dorë qytetarët për të vendosur se si do të sillen nesër.
“Ne shkojmë për të protestuar si qytetarë të Europës, por kjo protestë ka një ngarkesë të madhe.
Kur fut në burg njerëz të thjeshtë qe skanë paguar faturat e dritave, apo se ndërton një dritare, por nuk merren masa për ministrin e brendshëm vëlla i të cilit është i inkriminuar me trafikun e drogës do të thotë se shumë gjëra nuk shkojnë.
Ndaj do të jenë qytetarët ata që do të vendosin sesi të sillen nesër”.- tha Bylykbashi.
