PD denoncon spastrimin e vendeve të punës nga qeveria
Partia Demokratike, nëpërmjet zëdhënëses së saj Oriela Nebijaj, ka denoncuar ato që i quan “spastrime të pamotivuara të qeverisë për të hapur vende pune për militantët e saj”.
“Drama e 41-vjeçares Nexhmije Bushi, nënës dhe bashkëshortes nga Burreli, që tentoi vetvrasjen pas largimit nga puna, është pjesë e tragjedisë që po shkakton prej dy vitesh qeveria me spastrimet e pamotivuara, për të hapur vende pune për militantët e saj. Nexhmije Bushi ka arsimin e duhur për punën që bën në OSHE dhe ajo punon në këtë sektor prej 17 vitesh. Por i besuari i Edi Ramës në Burrel, kryetari socialist që është dhe shef i madh i Operatorit të Shpërndarjes së Energjisë për rajonin, e ka hedhur në rrugë pa asnjë motiv, për t’i hapur vendin militantit pa arsimin përkatës”, tha Nebijaj.
